එහෙම උනත් ඇහෙන් නොඅඬන පිරිමි හිතෙන් ගොඩක් අඬනවා. ඒකයි ඇත්ත. ඒත් ඒක දන්නෙ එහෙම කෙනෙක්. සමහර වෙලාවට යක්කු වගේ පිරිමි පෙනුනට හැම යකෙක් ඇතුලෙම මිනිහෙක් ඉන්නවා.
ඉතින් මෙහෙම කියාගෙන් ගියේ මාත් මේ ගීතයක් ගැන කියන්න. අපිට අය හමුවෙනවා,
හමු උන අය ඈත් වෙනවා.. හැබැයි ඒ හමු වෙලා යන අය අතුරෙන් සමහර වෙලාවට කිසි කෙනෙකුට මින් පෙර ඇති නොවුන බැඳීමක් ඇති උන කෙනෙක් අපව දාලා යන්න යනකොට ඇති උන දුක, දාලා ගියාට පස්සෙ අපට ඇතිවන අතීතාවර්ජන සමඟ හිතට ගලාගෙන එන සංතාපය වචනවලින් කියන්න බැහැ. එහෙම උනත් නැවතත් අවසන් වතාවකට හරි දැකගන්න ලැබෙනවනම් කියලා හිතුනම මේ ගීතය තරම් ඒ ගැන කියන තවත් කියන කවියක් ඇතිද කියලා මමනම් දන්නෙ නැහැ...
නන්දා මාලිනියන් ගායනා කරන්නා වගේ
“ආදරයේ වේදනාව හදට දැනුන යම් දවසක
හුදෙකලාව නොතැවි යළි එන්න මා සොයා....
එන්න මා සොයා....//“
මේ වගේ අපිටම අවසන් වතාවට අපිම සමුදෙන වෙලාවක අපි මුවින් නොකීවත්, වෙන ලෝක වල තනිවී ඒ ඒ ලෝකයන් තුල කාර්යබහුල වී උන්නත් යටි හිතෙන් නැගෙන ඉල්ලීමක් විය හැකිය කාගෙත් මං මේ කියන්න යන ගීතය.... මට වගේම ඔබටත් මේ ගැන එහෙම හිතුනාද කෙදිනක හෝ?
ඔබ මා හමුවුන මේ ඉර හද යට
කොතැනක සිටියත් මා මළ දවසට
මගෙ ළග තනියට ඉනු මැනවී
මගෙ ළග තනියට ඉනු මැනවී
ඔබ සිත මා සිත හමු වූ දා සිට
මා ලය පීදී පරවූ පෙම් මල....//
සිතින් තුරුළු කර මා මළ දවසට
මගෙ ළග තනියට ඉනු මැනවී....//
ඔබ මා හමුවුන මේ ඉර හද යට
කොතැනක සිටියත් මා මළ දවසට
මගෙ ළග තනියට ඉනු මැනවී
මගෙ ළග තනියට ඉනු මැනවී
කදුල සුසුම නොහෙලා නොදොඩා අපි
මිරිගු සයුර වෙත පියමන් කල සැටි....//
සිතින් දරාගෙන මා මළ දවසට
මගෙ ළග තනියට ඉනු මැනවී....//
ඔබ මා හමුවුන මේ ඉර හද යට
කොතැනක සිටියත් මා මළ දවසට
මගෙ ළග තනියට ඉනු මැනවී
මගෙ ළග තනියට ඉනු මැනවී
ගායනය: කරුණාරත්න දිවුල්ගනේ
~~බුද්දික ජයකොඩි~~
No comments:
Post a Comment