මම නම් හිතන්නේ ඒක සාර්ථක දෙයක් නෙමෙයි. හදවතින් ඇත්තටම ආදරේ කරපු අයට යාළුවෝ වගේ ඉන්න බැහැ. මේ ගැන හොඳටම කියවෙන ගීතයක් තමයි චන්ද්‍රසේන හෙට්ටිආරච්චි මහත්මයා ගායනා කරන "යෙහෙළියක සේ" ගීතය.
ඔහු ගීතය අරඹන්නේ මේ විදියට......
අපි දෙන්නගේ ආදරේ වෙනුවෙන් මට උනපු කඳුළු තාම වියළිලාවත් නැහැ. ඒත් ඔයා මට කියන්නේ ඔයා දිහා යෙහෙළියක් දිහා, සහෝදරියක් දිහා බලන විදියට බලන්න කියලද....මම කොහොම ඒක කරන්නද ???
"යෙහෙළියක සේ සොයුරියක සේ
ඔබ කියන අයුරින්
මා කෙසේ ඔබ දෙස බලන්නද
පෙම් කඳුළු දෑසින්"
අපි අපේ ආදරේ පටන් ගත්ත දවසේ හරියට අපි දෙන්නා නැවත ඉපදුනා වගේ. අළුත් ජීවිතයක් පටන් ගත්තා වගේ. අපි අපිව අඳුර ගන්නෙත් මේ ආදරේ නියසි. ඉතින් ඔයා කියන්නේ එහෙම ආදරේ අමතක කරලා ඔයාව මගේ යෙහෙළියක් කරගන්න කියලද ???
"හැඳින ගත්තේ අප මුලින් පෙම්වතුන් වීමෙන්
අප උපන්නේ ඒ දිනේ ප්‍රේමයේ නාමෙන්
ඉතින් කෙලෙසද මා බලන්නේ ඔබ දිහා එලෙසින්
යෙහෙළියක සේ සොයුරියක සේ පෙම් කඳුළු දෑසින්"
මට තාම අපේ ආදරෙන් ඈත් වෙන්න බැරි උනා. මම තාමත් ඒ ආදරේ මතක් කර කර අඬනවා. මම දන්නවා ඔයා මාව අයින් කළේ ඔයාගේ හිතට විරුද්ධව කියලා. ඔයා ඔයාගේ හිත රවට්ට ගත්තා. ඒ බව දැන දැනත්...මම ඔයාට මෙච්චර ආදරේ කර කරත්... කොහොම ඔයා දිහා යෙහෙළියක් සොහොයුරියක් විදියට බලන්නද ???
"ඔබම ඔබේ සිත රවටමින් අහක බැලු දවසේ
ඔබ ඉවත හල මා අදත් හඬමි පෙම් පියසේ
ඉතින් කෙලෙසද මා බලන්නේ ඔබ දිහා එලෙසින්
යෙහෙළියක සේ සොයුරියක සේ පෙම් කඳුළු දෑසින්"
සරලව ප්‍රකාශ කළත් ලොකු අර්ථයක් ගැබ් වෙලා තියන ගීතයක් විදියට මම දකිනවා.
~~අකුෂ්ලා ප්‍රනාන්දු~~
2 comments:
නියමයි
ලස්සනයි🕊🕊🕊
Post a Comment