සලාම් කියා ගෙන ගෙට එන..

සලාම් කියා ගෙන ගෙට එන

ළසෝ ගිනි මැදින් සුජනන
ස්නේහයෙන් හදට වදින තාරකාවියේ
ෆර්දාවට සැඟව සිටින තාරකාවියේ

වලාකුළු වලින් සළු ඇඳ - සදා තනි රකී අඩ සඳ
ස්වර්ණ ද්වාරයේ පැතුමිණ තාරකාවියේ
සිනා වෙන්න මතක නැති ද තාරකාවියේ

කුරානයේ අක්ෂර පද - ඔබේ නෙතට හමු නොවී ද
දුක්ඛ තාපයේ සරනා තාරකාවියේ
පහන් තරුව සොයා යමු ද තාරකාවියේ

ගායනය - සමන් ජයනාත්
සංගීතය: රෝහණ වීරසිංහ
පද: නිලාර් එන් කාසිම්


එකෙත් විශේෂයක් තියනව... ගී පද නිලාර් එන් කාසිම් ගෙ වීම....

වෙනත් ආගමක.. ජාතියක.. ගෑනු ලමයෙක් ගැන තමයි මේ කියන්න යන්නෙ. හැබැයි මේ සිංදුවෙන් ලොකු කථාවක් අපට කියල දෙනව.. ‍ඉතින් මේ ලෑනු ළමයට වෙනත් ජාතියකට අයිති තරුණයෙක් ආදරය කරනව.. ඉතින් එයාගෙ හිතට එන හැගිම් තමයි මේ කියන්නෙ..

ආයුබෝවන් කියාගෙන ගෙට ආවත් .. ඔයා ඉපදෙන්නෙම හදවතේ ගොඩක් දුක් දරාගෙන.. ඔයා මගෙ හදවතට ඇවිත්.. . මං ඔයාට ආදරෙයි... ඇදුම් වලින් ගත වසාගෙන සිටියත් ඔයා හරිම ලස්සනයි..

සලාම් කියා ගෙන ගෙට එන
ළසෝ ගිනි මැදින් සුජනන
ස්නේහයෙන් හදට වදින තාරකාවියේ
ෆර්දාවට සැඟව සිටින තාරකාවියේ

තාරකාවියක් ඔයාගෙ ඔය ඇදුම් මට නම් වලාකුළු වගේ.. ඔයාව වසාගෙන ඉන්න.. ඔයාව ආරක්ෂා කරන ගෙදර අය.. හැමදාම තනි රකින අඩ සද වගේ.. ඔයාට ආදරය ... ඔයාගෙ සිතුම් පැතුම අහිමි කරල මේ හැමෝම. අඩුම තරමෙ ඔයාට හිනා වෙන්නවත් බැරිද....

වලාකුළු වලින් සළු ඇඳ - සදා තනි රකී අඩ සඳ
ස්වර්ණ ද්වාරයේ පැතුමිණ තාරකාවියේ
සිනා වෙන්න මතක නැති ද තාරකාවියේ

ඔයාට ඔයාගෙ ආගමවත් අදහන්න දෙන්නෙ නෑ.. ඔයා ගොඩක් දුකෙන් ඉන්නෙ.. එක මට දැනෙනව. අපි මේ හැමදේම අතෑරල යමු.. ඔයාට අයිත් පහන් තරුව ඔයා එනකන් බලන් ඉන්නව.. ගොඩක් අසාවෙන්..

කුරානයේ අක්ෂර පද - ඔබේ නෙතට හමු නොවී ද
දුක්ඛ තාපයේ සරනා තාරකාවියේ
පහන් තරුව සොයා යමු ද තාරකාවියේ

ජාතියකට හෝ ආගමකට පුංචි හරි වරදක් උනානම් සමාවන්න.. වෙනත් ආගමක් නිසා අදහස් වැරදි වෙන්න පුලුවන්.. නිවැරදි කිරීමේ අයිතිය තියනව..

~~රසික ඉඳුනිල්~~