සොවින් පිරී මගේ හදවත තුලින් මතුවෙවී පිටවන

සොවින් පිරී මගේ හදවත තුලින් මතුවෙවී පිටවන..

සොවින් පිරී මගේ හදවත තුලින් මතුවෙවී පිටවන හැඟුම් කැටි ගැසී ගෙන එන හිතට වේදනා....
මේ ගීතය පුරාවට ගලාගෙන යන්නේ ආදරයෙන් ඔහු බලාපොරොත්තුවූ දේවල් නොලැබීමයැයි හැඟේ. පිරිමියෙක් කිසිම විටක හැඬීමෙන් තම දුක එලියට නොදමයි, එසේ වන්නේ නම් ඒ ඉතාම දුර්ලබ අවස්ථාවක් වනවා නොවනුමානය. මෙහිදී ගැහැනු පිරිමි සන්සන්දනයකට නොයන්නේ ඔවුනොවුන්ගේ දරාගැනීමේ මට්ටම් කිසිසේත්ම එකම මට්ටමේ නොපවතින බැවිනි. ඒ කෙසේ වුවත් තමදුක සිත තුල තදකරගෙන දැඩි වෙදනාවක ඔහු පසුවන බව පෙනේ.

ආදරය කිරීමට පෙර ඉතා සැනසීමෙන් ඔහු ගෙවු ජීවිතය දැන් කටුක කර්කශ එකක් බවට පත්වී ඇත. එය ටිකෙන් ටික වැඩිවන බව ගෙනහැරපාන්නේ 'පිපෙන්නාවු ලෙසට දැනේ ගතට වේදනා' යන පද පෙලිනි.
මේ ආදරයෙන් ඔහුට ලැබුනු සැනසුමක් නම් නැත. සෑම විටකම සිතේ ඇත්තේ දුකම පමනි. ඔහුගේ ආදරියගෙ ක්‍රියාවලින් අඩුමතරමේ කතාවෙන්වත් ඔහු සැනසුමක් නොලබයි. මෙහිදී හැඟෙන එක් දෙයක් නම් ඇය ඔහුව කිසිම තැකීමකට ලක් නොකරනවා සේම ඔහුට ව්‍යාජ ලෙසට හෝ ආදරයක් නොපෙන්වීමයි. 'ඉන් හොඳක් මිහිරක් මෙතෙක් නැහැ ඇසී'
 
මෙම ගීය බැදෙන්නේ විවාහක යුවලක් ගැනද යන්න නිශ්චිත නැත. නමුත් 'දෙ අත් සහ දෙපා කොරවී නැතත් ඉන් ලබන්නට හැකි කිසිත් සම්පතක් සතුටක් මෙතෙක් නැත ලැබී' යන්නෙන් ඔහු කිසිම ලිංගික තෘප්තියක් ඇයගෙන් ලබා නොමැති බව පැවසේ. ආදරයෙ මිහිරි බව ඔහු කොතෙක් අසා තිබුනත් මෙතෙක් එවැනි දෙයක් ඇයගෙන් ලබන්නට ඔහු සමත් වී නොමැත.
 
සමහර විටක මෙය ප්‍රේම නොකර දෙමාපිය කැමැත්තට විවාහ වුනු යුවලකගේ ශෝකාන්තය විය හැකියි. එසේත් නොමැති නම් පෙම්වතා නුරුස්සන ඔහුව මායිම් නොකරන පෙම්වතියක් හා බැඳීමක් විය හැකියි.
කෙසේ වුවත් අවසන් ප්‍රතිපලය ඔහුගේ ජිවිතයේ සැනසීම ඔහුට අහිමි වීමයි.

මෙම ගීතයේ සංගීත් නිපුන් සනත් නන්දසිරියන්ගේ හඬට සවන්දීමට ලැබීම මා ලද භාග්යයක් කොට සලකමි.

සොවින් පිරී මගේ හදවත තුලින් මතුවෙවී පිටවන
හැඟුම් කැටි ගැසී ගෙන එන හිතට වේදනා....
සුවෙන් මා එදා සැතපුන යහන් මත මහත් විස කටු
පිපෙන්නාවු ලෙසට දැනේ..ගතට වේදනා..

ගතත් වේදනාවෙන් පිරි සිතත් සෝ දුකින් බරවී
දෙනෙත අඳ නොවී තිබුනත් එයින් නැත සුවේ
කනත් බිහිරි වී නැතිමුත් අමුත්තක් වෙලා නැහැ කිසි
එහෙත් ඉන් හොඳක් මිහිරක් මෙතෙක් නැහැ ඇසී

දෙ අත් සහ දෙපා කොරවී නැතත් ඉන් ලබන්නට හැකි
කිසිත් සම්පතක් සතුටක් මෙතෙක් නැත ලැබී
මිහිර යන වදන පමනක් අසා ඇති නමුත් ඒ තුල
ඇහිරිලා තිබෙන අරුතක් මෙතෙක් නැහැ දැනී..
 

~~තේජන අබේදීර~~